Transporti publik falas, premtim i bërë nga kandidati i koalicionit Meta-Berisha, për ekspertin Fatos Çoçoli është i parealizueshëm, sipas së cilit, nuk do të bënte gjë tjetër veç se do të ndikonte në falimentimin e Bashkisë.
“Kush nuk do e donte transportin falas, apo të uleshin taksat, do ishte rasti më i mirë, por mua më duket arakiri i ekonomisë. Se po t’i heqësh këto taksa, 18 mln euro mbledhim nga autobusët në vit dhe nuk janë pak për një buxhet, nuk janë pak. Tirana me transport publik falas, ta zëmë se ndodhi Tirana do ishte qyteti i 10 në botë, e ka Australia, ku kanë të ardhur atë larta për frymë, Luksemburgu, vendi më i pasur në botë, shtet i vogël, një qytet tjetër në Britani, në Suedi me të ardhura për frymë 43 mijë, Kanadaja. Është e pamundur në gjykimin tim. Në ëndrrën më të bukur do të bëhen, po të zgjohemi nga gjumi po. I ke bërë petullat me ujë, hiq ujin dhe bëji me vaj”, tha ai.
Një studim i bërë nga i kryer në vitin 2022 nga ekspertët gjermanë të GIZ-it – agjencia gjermane për zhvillim vuri në dukje kostoja që duhet për të realizuar transport publik falas, duke përfshirë edhe përmirësimet e nevojshme, varion nga 91.5 milion euro deri në 114.1 mln euro. Një shifër e cila është e papërballueshme sot nga financat e Bashkisë së Tiranës. Ekspertët gjermanë vënë në dukje se edhe ato pak vende, të cilat e kanë falas transportin publik, si Lukemburgu apo qyteti Dunkirk, shërbimi ka qenë i subvencionuar më herët në 90% të kostos së tij; që do të thotë se ato kanë financuar vetëm 10% të kostos për ta bërë falas.
