100 mijë persona në Shqipëri janë të punësuar në sektorin e ndërtimit.
Kështu pretendon kryebashkiaku i Tiranës, Erion Veliaj.
Ai tha në emisionin e Erla Mëhillit se në këtë sektor nuk ka më njerëz profesionistë dhe për këtë arsye te Piramida ka punësuar indianë për ta mbaruar në kohë.
“Nuk më rezulton që shikoni më njerëz me matrapik rrugëve. Nëse i shohim faqet e INSTAT-it duhet t’i shohim të gjitha. Jo vetëm sa ndërtohet dhe cilat leje janë dhe tipologjinë e lejes, se dhe një që shtron pllakat e banjës duhet të marrë leje apo që ndërron çatinë, por duhet të shikoni dhe çfarë sjell te ajo faqja tjetër e INSTAT-it, te punësimi. Na rezulton që 100 mijë veta punojnë në ndërtim. Sot te Piramida punojnë indianë për të mbaruar në kohë, sepse nuk ka më njerëz, sepse është ezauruar i gjithë grupi i njerëzve që merret me ndërtim”, deklaroi kryebashkiaku.
