Gazetari Poli Hoxha tregoi në një intervistë për Euronews Albania agjendën e zyrtarit të lartë amerikan, James Rubin në Tiranë.
Sipas tij, Tirana po vendoset në qendër para 14 majit, pavarësisht zhvillimeve në Kosovë apo zgjedhjeve parlamentare në Malin e Zi.
“Pikërisht dy njerëzit që janë tekstualisht të ngarkuar për t’u marrë me çështjet e Ballkanit Perëndimor, z. Rubin dhe z. Escobar, të dy paralelisht po vijnë dhe me fokus më të madh duket se kanë Tiranën. Kjo e gjitha bëhet, për mendimin tim, për situatën gjeopolitike.
Nëse për vizitën e z. Escobar nuk kam ndonjë të dhënë specifike për qëllimet, pavarësisht se kuptohen dhe janë të koordinuara, për z. Rubin dimë që vjen për dezinformimin e aktorëve si Rusia dhe Kina në rajonin tonë”, u shpreh Hoxha.
