Balerini Ilir Shaqiri ka shprehur hapur pikëpamjet e tij politike, duke u deklaruar si socialist.
Shaqiri tregon se në këto zgjedhje mbështet kryebashkiakun dhe kandidatin e PS-së për Tiranën, Erion Veliajn.
Në një videomesazh të publikuar në rrjetet sociale, balerini fton qytetarët të votojnë Veliajn në 14 maj
“Përshëndetje, Tirana ime! Përshëndetje, tironsave të mi dhe të gjithë juve që jetoni dhe shijoni atë qytet të mrekullueshëm, që dita-ditës bëhet gjithmonë edhe më i bukur. Nuk ka si të jetë ndryshe. Gjithmonë në sajë të punës realizohen gjërat dhe gjithmonë e më mirë do jetë.
Unë i uroj Erionit fitore, sepse është personi që e ka ndryshuar atë qytet, i ka dhënë jetë, i ka dhënë kredibilitet dhe kjo shfaqet kudo, edhe kur vijnë njerëzit nga jashtë shtetit flasin me superlativa për qytetin tim dhe mua më bëhet realisht zemra mal sepse nuk ka gjë më të bukur sesa kur vlerësohet qyteti ku kam lindur, ku jam edukuar, ku kam realizuar ëndrrat e mia t’para.
Vetëm fitore dhe përpara Erion! Gjithë të mirat! Suksese!”, thekson Ilir Shaqiri.
