Presidenti turk Rexhep Tajip Erdogan ka anuluar të gjitha aktivitetet e sotme të fushatës, pasi ka pasur probleme shëndetëore prej mbrëmjes së djeshme.
Mediat e huaja bëjnë me dije se mjekët kanë këshilluar Erdoganin që të pushojë.
“Dëshiroj të falënderoj çdo pjesëtar të kombit tim të dashur, secilin nga vëllezërit dhe motrat e mia për urimet dhe lutjet e tyre për shirimin tim për shkak të shqetësimit të vogël që pata gjatë shfaqjes për shkak të orarit të ngjeshur . Fatkeqësisht, sot nuk do të mund të takohem me bashkatdhetarët e mi nga Kırıkkaleli, Yozgat dhe Sivas. Kërkoj nga të gjithë të më falin. Fuat Oktay do të marrë pjesë në shfaqjet Kırıkkale, Yozgat dhe Sivas në emrin tonë.
Dashtë Zoti që nga nesër do të vazhdojmë programin tonë. Ne do të vazhdojmë të punojmë për ta sjellë kombin tonë të dashur në synimet e shekullit të Turqisë. Me këtë rast uroj shëndet, paqe dhe prosperitet për të gjithë qytetarët e mi”, tha presidenti turk 69-vjeçar në llogarinë e tij në Tëitter.
Kujtojmë që shqetësimet për shëndetin e Erdogan nisën ditën kur po jepte një intervistë. Gazetari pa pritur u shtang dhe më pas këkroi që të jepej reklama.
I rikthyer pas reklamave, Erdogan i kërkoi falje të pranishmëve duke shpjeguar se ditët e fundit kishin qenë shumë të lodhshme për shkak të fushatës zgjedhore dhe për më tepër vuante nga ftohja, por nuk donte ta anulonte intervistën pasi kishte dhënë premtimin e tij.
