Analisti Skënder Minxhozi thotë se edhe pse në vështirësi, kryetari i komanduar i Partisë Demokratike Enkelejd Alibeaj po fiton pikë me frymën anti-Berisha.
I ftuar në ABC News, analisti tha se kandidatët e PD-së po u prishin punë emrave të kolicionit “Bashkë Fitojmë” për zgjedhjet e 14 majit.
Në Partinë Demokratike, Minxhozi veçoi kandidatin për Tiranën, Roland Bejko, që sipas tij po bën luftën e tij politike përballë krahut të ish-kryeministrit Berisha. Kurse për Gazment Bardhin u shpreh se nuk dihet qartë se cilin krah po mbështet.
“E kam dëgjuar dhe e dëgjoja Alibeajn në deklarimet e tij në fushatë. Kujtesa të çon edhe mbrapsht kur kujton Alibeajn se sa betejëa ka bërë me Berisha, po kjo është e shkuara, por më mirë vonë se kurrë, që Alibeaj e ka kuptuar rolin e Berishës në atë parti.
U gjet i papërgatitur në këtë fushatë, ndërkohë Berisha ka filluar Foltoren prej gati një viti. Ka pasur disa dilema të natyrë organizative dhe logjistike dhe sot ne e shohim me një numër të kufizuar kandidatësh dhe ndjekësish dhe impakti të vogël në fushatë.
Ky lloj frymëzimi anti-berisha brenda të djathtës ka pikët e tij. Po bën luftën e tij, më së pari Bejko në Tiranën. Kandidatët e kësaj linje po u prishin jo pak punë kandidatëve të Foltores”, tha ai
