Koronavirusi ka ‘pushtuar’ gjithë Italinë dhe së fundmi ka prekur një foshnje 4-muajsh në shtëpinë e një emigrant shqiptar në Codogno të Italisë.
Përmes një postimi në Facebook, shqiptari (identitetin e tij për arsye privatësie nuk po e bëjmë publik), është shprehur se dëshiron të japë sadopak kontributin e tij me informacione, duke bërë thirrje që në Shqipëri të tregohemi të kujdesshëm dhe të mos e nënvlerësojmë situatën.
“Pardje m’u komunikua nga doktorët që djali im 4-muajsh është infektuar me koronavirus. Falë Zotit ai është mirë me pak simptoma që kanë kaluar, ne të gjithë këtu mund të jemi të infektuar, sepse jetojmë në zonën më të prekur të Italisë, e gjithsesi kur merr lajme të tilla për fëmijën apo familjarin të shembet bota nga poshtë”, është shprehur ai.
