Kreu i Partisë së Lirisë, Ilir Meta, u është kundërpërgjigjur akuzave për blerje votash në Kuçovë.
Në një deklaratë për mediat, ai mohoi akuzat duke thënë se këto janë lojëra dhe inskenime të ministrit të Brendshëm, Bledi Çuci.
Meta, ndër të tjera, e ka quajtur Çuçin, kapter të Ramës, që zbaton urdhrat e tij.
“Kjo është një lojë e Bledi Çuçit. Janë inskenime të mjera të tij. Të gjithë e dimë që Çuçi është një kapter i Edi Ramës dhe zbaton urdhrat e tij”, tha Meta.
Më tej kreu i PL-së, u bëri thirrje qytetarëve që të dalin në 14 maj dhe të votojnë. Ai tha se nuk duhet të dëgjojnë Edi Ramën, që u kërkoi opozitarëve që të flenë gjumë, por ta votojnë kundër për ta larguar.
