Niko Peleshi, drejtuesi politik i qarkut të Korçës, ka falenderuar ditën e sotme qytetarët për fitoren e 14 majit.
Gjatë një takimi falenderues, Peleshi tha se socialistët mbajtën premtimin që të fitonin në 6 bashkitë e qarkut në zgjedhjet vendore.
Ai premtoi se PS do t’i bëjë Korçën dhe bashkitë e tjera të këtij qarku një histori suksesi.
“Edi Rama ka ardhur në Korçë për të ndarë me qytetarët e Korçës falënderimin e mirënjohjen.
Të gjithë ata që na besojnë, dolën në votim. Të djathtët abstenuan në zgjedhjet vendore të 14 majit. Ju falënderojmë.
Do punojmë për të gjithë qytetarët, me parti, pa parti, pa ngjyra politike. Do ta bëjmë Korçën dhe bashkitë e tjera, një histori suksesi”, theksoi Peleshi
