Sipas Ministrisë së Shëndetësisë, gjatë dy ditëve të fundit numri i testeve të bëra ka rënë ndjeshëm.
Sot zëvendësministrja Mira Rakacolli bëri me dije se gjatë 24 orëve të fundit, janë bërë 31 teste, nga të cilat 9 kanë rezultuar pozitivë, duke e çuar numrin e përgjithshëm në 51 të infektuar.
Ndërkohë, ditën e djeshme janë bërë 27 teste, duke ulur ndjeshëm numrin e testeve të realizuara në 48 orëshin e fundit.
Nuk dihet se çfarë e ka shkaktuar këtë ulje të numrit të testeve të kryera, ndërsa “ABCNeës” shkruan se Task Forca ka ndryshuar mënyrën e raportimit të të dhënave sot, duke mos pasqyruar numrin e telefonatave me kodin “COVID-19”.
Gjatë ditës së djeshme u raportua se nga 7 247 telefonata të mbërritura në numrin 127, 4 468 telefonata ishin me kodin “COVID-19”. Kjo e dhënë sot mungoi.
Testet e kryera në ditët e fundit:
12 mars – 145 teste
13 mars – 159 teste
14 mars – 48 teste
15 mars – 27 teste
16 mars – 31 teste
Në total, ISHP ka kryer 563 teste që prej fillimit të këtij muaji.
Shpresojmë që ulja e numrit të lidhet më tepër me uljen e rasteve të dyshuara me Koronavirus dhe jo me përfundimin e testeve.
