Ambasada e SHBA në Tiranë ka përcjellë një mesazh në Ditën Ndërkombëtare të Refugjatëve.
Në postim thuhet se në këtë ditë nderohen për forëcën dhe guximin që kanë atë për t’u larguar nga vendi i tyre për t’i shpëtuar konfliktit ose persekutimit.
“Sot është Dita Botërore e Refugjatëve, një ditë ndërkombëtare e caktuar nga Kombet e Bashkuara për të nderuar forcën dhe guximin e njerëzve që janë detyruar të largohen nga vendi i tyre për t’i shpëtuar konfliktit ose persekutimit. Ambasada e SHBA-së është krenare të mbështesë OJQ-në Refugees and Migrant Services Albania (RMSA). Nëpërmjet programeve të veçanta si gjuha shqipe, trajnimi për punë dhe kurset për ngarjen e makinës, RMSA ndihmon refugjatët në Shqipëri të integrohen më mirë, të arrijnë pavarësinë dhe të kontribuojnë në komunitetet e tyre pritëse”, thuhet në postimin e Ambasadës së SHBA.
Mirëpo ky mesazh vjen teksa ditën e sotme ka pasur tensione tyë shumta në kampin e MEK në Manëz të Durrësit.
Një tjetër anëtar i MEK dyshohet se ka ndërruar jetë dhe trupi i tij është transportuar në morgun e Tiranës. Në lidhje me këtë ka reaguar edhe Ministria e Brendshme e cila njofton se kontrollet nga Policia janë bërë konform ligjit por që kanë hasur rezistencën e anëtarëve të kampit, të cilët sipas ministrisë kanë thyer marrëveshjen e vitit 2014.
Ministria mohon që gjatë operacionit të ketë patur humbje jete apo të lënduar, ashtu siç pretendojnë anëtarët e MEK.
