Banorët e qytetit më të madh të Afrikës së Jugut, Johannesburg janë mahnitur nga reshjet e para të dëborës në më shumë se një dekadë. Pasi u fotografua në sheshin Nelson Mandela në distriktin financiar, Jennifer Banda tha se ishte shtatzënë herën e fundit që ra borë, shkruan The Guardian.
“Njëmbëdhjetë vjet më vonë, është emocionuese që kemi borë,” tha ajo.
Në rrjetet sociale, banorët e Johanesburgut e përshkruan dëborën si “magji të pastër”, dhe një “fillim të mrekullueshëm të javës”.
Profesoresha e gjeografisë fizike në Universitetin e Witwatersrand, Jennifer Fitchett tha se reshjet e borës nuk do të zgjasin shumë dhe se ishte shkaktuar nga një rritje e lagështisë, temperaturat e ulta dhe një erë e ftohtë.
