Kompania franceze Zephalto planifikon të transportojë pasagjerë në stratosferë në një lartësi prej 25 kilometrash mbi Tokë për tre orë, brenda një balone elegante. Sipërmarrjen, Zephalto po punon me CNES, agjencinë hapësinore franceze, dhe projekti do të nisë në fund të vitit 2024 pas shtatë vitesh punë.
Céleste është projektuar nga arkitekti dhe stilisti Joseph Dirand, i njohur për disa prej restoranteve “it” në Paris. Dirand ka projektuar restorantet pariziane Loulou, Monsieur Bleu dhe Girafe si dhe restorantet Le Jardinier dhe Shun në Nju Jork. Udhëtarët do të shërbehen me pjata nga kuzhinierë francezë me yje Michelin, të cilët fokusohen në kuzhinën molekulare dhe eksperimentale. Sigurisht, pjesëmarrësit do të mund të postojnë përvojën e tyre dhe pamjen spektakolare në Instagram pasi do të jetë i disponueshëm wi-fi.
View this post on Instagram
Zephalto u themelua në vitin 2016 nga inxhinieri aeronautik Vincent Farret d’Astiès në jug të Francës me synimin për të krijuar një alternativë me karbon të ulët. Sipas kompanisë, udhëtimi me Céleste do të konsumojë 27 kilogramë dioksid karboni.
View this post on Instagram
“Jam i emocionuar që kam krijuar urën midis realitetit dhe ëndrrës sime për udhëtimin në hapësirë. Ekipi ynë i ekspertëve punoi shumë për të krijuar një balonë me të cilën Vëllezërit Mongolfieri do të krenoheshin”, tha d’Astiès.
Gjashtë pasagjerë do të hipin balonë dhe do të nisen nga Franca me një ekuipazh prej dy pilotësh dhe do të ngjiten në lartësinë e synuar në 90 minuta. Udhëtimi gjashtë-orësh përfshin tre orë në lartësinë më të madhe, më shumë se 14.5 kilometra mbi lartësinë në të cilën fluturojnë avionët e pasagjerëve. Ai do t’u ofrohet njerëzve të të gjitha moshave dhe niveleve të fitnesit dhe nuk do të kërkohet asnjë trajnim para fluturimit.
View this post on Instagram
