Britania e Madhe është në gatishmëri të plotë për të nxjerrë në rrugë 20 mijë ushtarët e saj.
Sipas kryeministrit britanik Boris Johnson, Londra mund të mbyllet së shpejti si pasojë e koronavirusit. Ndërsa është bërë gati edhe ushtria për të përballuar situatën.
Ky reagim i qeverisë britanike ka ardhur pas kërcënimit nga koronavirusi ku vdekjet kanë shkuar në 33 për 24 orë.
Sipas kryeministrit britanik “zbatimi i pamëshirshëm” i masave të ashtuquajtura distancimi shoqëror, janë të domosdoshme, duke nisur me punën nga shtëpia dhe shmangien e grumbullimeve të njerëzve në kafene, kinema dhe restorante.
Rreth 953 njerëz janë diagnostikuar me koronavirus në Londër, ndërsa të prekur janë gjithsej rreth 2.626 në gjithë Mbretërinë e Bashkuar.
