Nga Nikoleta Kovaçi/
Autoriteti i Konkurrencës ka nisur hetimet për depot farmaceutike, nisur nga rritja në mënyrë abuzive e çmimeve të maskave, alkoolit e dezifektantëve për shkak të kërkesës së rritur nga qytetarët si pasojë e koronavirusit. Hetimi është për periudhën 1 janar – 31 maj të vitit 2020. Autoriteti i bën thirrje depove të farmacive që të mos rrisin çmimet, në të kundërtën do të gjobiten 10% të xhiros vjetore.
Për këtë vendimi është marrë publikimi i disa pakënaqësive të qytetarëve të cilët kanë treguar në media se çfarë po bëhej me rritjen e çmimeve. Në fakt abuzimi nuk është se ka ndodhur vetëm në tregun farmaceutik por edhe në një sërë tregjesh të tjera. Janë ndaluar dhe janë marrë masa për një sërë tregtarësh por në fakt rritja e çmimeve ndodh që në bazën e shpërndarjes ndaj edhe tregtuesit e pakicës janë të detyruar të shkojnë pas këtij çmimi.
Vendimi
Ditën e djeshme është marrë një vendim për hapjen e hetimit paraprak në tregun e shitjes me shumicë dhe pakicë të materialeve paramjekësore. Me një komision të përbërë nga pesë persona, një kryetar, një zv/kryetar e tre anëtarë, ky komision do të monitorojë këtë treg.
Bëhet me dije se nisur nga shqetësimet në masmedia dhe ankesave të paraqitura pranë autoritete të konkurrencës mbi rritjen e çmimeve autoriteti realizoi një monitorim në treg i cili konsistoi në vlerësimin e sjelljes së ofruesve të këtyre materialeve në të gjitha nivelet e tregtimit shumicë pakicë. Monitorimi, sipas tyre, u fokusua në tregimin e materialeve dezinfektant duarsh, alkool dhe maska për të cilat kërkesa e tregut kanë qenë në rritje si pasojë e situatës së krijura nga virusi Covid.
Sipas tyre është bërë me dije se tregu ka mungesë në nivelin e tregtisë me pakicë dhe ka një rritje të pajustifikueshme të çmimeve në të gjitha nivelet e tregtimit të këtyre materialeve. Kështu për të parandaluar gjithë këtë abuzim komisioni ka vendosur hapjen e një procedure hetimi paraprak që do të përfshijëe periudhat nga 1 janari e deri në fund të majit, pra do të jetë një hetim 5 mujor. Raporti duhet t`i paraqitet këtij komisioni jo më vonë se sa dy muaj nga përfundimi i afatit dhe për këtë sekretari i përgjithshëm të vërë në dijeni palët e interesuara.
