Nikolin Marku (Lekstakaj) është viktima e një atentati me armë zjarri ditën e sotme rreth orës 18:30 në Balldre të Lezhës.
42-vjeçari është ekzekutuar në derën e një marketi në Balldre, sapo kishte blerë një pije freskuese. Në momentin që ai ka dalë te dera e marketit, persona ende të paidentifikuar, dyshohet dy persona, e kanë qëlluar me armë zjarri duke e lënë të vdekur në vend.
Autorët janë larguar me shpejtësi me një makinë nga vendi i ngjarjes. Ata kanë qenë të maskuar teksa njëri ka qëlluar me armë zjarri drejt 42-vjeçarit ndërsa tjetri ka qëndruar në timon të makinës.
U ekzekutua me pije në dorë sa doli nga marketi, pamje të
Trupi i viktimës, Nikolin Marku (Lekstakaj) i mbuluar me çarçaf
Dyshimet kryesore janë te vrasja për shkak të gjakmarrjes, kjo pasi fisi Lekstakaj është në hasmëri me fisin Nikulaj prej vitit 1996.
Ardian Nikulaj u ekzekutua në prill të këtij viti në lokalin e tij në Lezhë. Policia zbuloi se organizatori, porositësi dhe financuesi ishte Edmond Haxhia, një i afërm i familjes Lekstakaj. Ai pagoi tre britanikë dhe një portagez për kryerjen e atentatit.
Ndërsa 42-vjeçari i ekzekutuar sot, Nikolin Marku (Lekstakaj) është viktima e gjashtë e gjakmarrjes mes dy fiseve.
