Kapiteni i Kombëtares Shqiptare, Elseid Hysaj nuk do të largohet nga klubi i Napolit dhe statusi i tij te ky ekip ka ndryshuar krejtësisht.
Ndonëse duhej të ishte ndër lëvizjet e para të merkatos, Hysaj nuk do të lëviz nga kjo skuadër deri në fund të sezonit, ose në rast se s’do ketë të papritura nga merkato.
“Sky Sport” raporton se trajneri Genaro Gattuso dhe drejtori i këtij klubi Guintoli kanë larguar mbrojtësin shqiptar nga merkato e dimrit.
Ky vendim është marrë pasi zona defensive e Napolit është në gjendje emergjence dhe është dëmtuese që kësaj skuadre t’i largohet një mbrojtës tjetër në këtë moment të sezonit. Megjithatë nuk dihet se çfarë mund të ndodhë deri në mbarimin e merkatos, e kur skuadra e Romës prej kohësh kërkon që të marrë Hysajn.
Duhet rikujtuar se vetëm para pak javëve, mediet italiane raportuan se marrëveshja midis tyre ishte shumë e afërt dhe se futbollisti shqiptar po kërkon të ndërrojë ambient, kjo për shkak sepse te skuadra e Napolit ka humbur rëndësinë, e nga pozicioni i titullarit ka kaluar në atë të rezervave./Përgatiti: Fjala.al/
