Numri i autoveturave të regjistruara në vitin 2022, me vit prodhimi 2011-2022 është rritur me 27.1 %
INSTAT publikoi një raport mbi karakteritikat e mjeteve sipas të cilit, numri i autoveturave të regjistruara në vitin 2022 me vit prodhimi 2000-2010 është rritur me 7.7 % ndërsa grupi i autoveturave me vit prodhim para vitit 2000 ka pësuar rënie me 0.8 %.
Të dhënat tregojnë se në vitin 2022, marka “Mercedez Benz” regjistrohet si marka më e përdorur e autoveturave të regjistruara me vit prodhimi para 2000 dhe viteve 2011-2022.
Marka “Volkswagen” regjistrohet si marka më e përhapur e autoveturave me vit prodhimi 2000-2010.
Numri më i madh i autoveturave që qarkulluan në vendin tonë, në vitin 2022 përdorën lëndë djegëse “naftë”, duke zënë 73.7 % nga 73.6 % në vitin 2021, ndjekur nga autoveturat që përdorin lëndë djegëse “benzinë” me 16.7 % ndaj numrit gjithsej të autoveturave nga 17.3 % që ky grup zinte deri në vitin 2021.
Numri i autoveturave që përdorin lëndë djegëse “naftë” në vitin 2022, është rritur me 7.8 % në krahasim me vitin 2021. Numri i autoveturave që përdorin lëndë djegëse “benzinë” është rritur me 4.5 % krahasuar me vitin 202
Në total numërohen 796.438 mjete të regjistruara në fund të vitit 2022.
