Një tërmet i fuqishëm është regjistruar në orët e para të mëngjesit të sotëm pranë Janinës në Greqi. Tërmeti ishte me magnitutë 5.6 dhe me një thellësi 12 km.
Lëkundjet janë ndjerë të forta në zonën e kufirit shqiptaro-grek, si dhe në qytetet e Sarandës, Delvinës, Gjirokastrës dhe Vlorës. Nuk raportohet për dëme materiale në Shqipëri.
Ndërkohë, një tërmet me magnitutë 3.4 është regjistruar mbrëmë në zonën e Aqulias në Itali. Tërmeti ishte vetëm 2 km thellësi çka ka bërë që lëkundjet të ndihen shumë të forta pranë epiqendrës. Kjo ka krijuar panik te banorët, ndërsa vendi po përballet me krizën e madhe të koronavirusit.