Shqipëria turistike, ana tjetër e medaljes/ Turistët italianë: Eksperienca negative në…

113 563 lexime

124,178FansaPëlqeje

Shqipëria është padyshim një nga destinacionet më të njohura për verën 2023. Çmimet më të ulëta në krahasim me Italinë dhe bukuria e peizazheve bënë që shumë italianë ta zgjedhin atë si destinacion pushimi.

Kjo madje u bë dhe motivi kryesor i politikës së verës ku këndej dhe andej Adriatikut kryefjala ishte turizmi shqiptar.

Por kjo ka dhe një anë tjetër të medaljes. Jo gjithçka shkon mirë për turistët italianë që vizitojnë Shqipërinë. Në TikTok, që është padyshim promovuesi kryesor i Shqipërisë turistike së fundmi kanë rrëfyer eksperiencën e tyre nga një ekskursion me anije dy turistë italianë që po bëjnë xhiron e mediave italiane.

Rasti i parë i raportuar në mediat italiane është ai kuzhinierit të njohur i ashtuquajturi në TikTok ‘Zio Rocco’-s, që jo rrallë herë ka promovuar bukuritë e bregdetit shqiptar. Por këtë herë ai rrëfen eksperiencën negative të një ekskursioni me anije në Sarandë, duke specifikuar në një video tjetër se nuk dëshiron të denigrojë të gjithë vendin, të cilin ai vërtet e vlerësoi shumë dhe në të cilin synon të kthehet.

“Dua t’ju tregoj për përvojën time në anijen pirate…. Anija kishte 100 vende, por ne ishim të paktën 300 vetë në bord. Udhëtimi zgjati 5 ose 6 orë dhe më shumë se gjysma e njerëzve mbetën në këmbë. Mes tyre kishte shumë çifte me fëmijë, madje me foshnje disa muajshe.”, thotë ai në videon që ka marrë 1.8 milion shikime.

Po nuk mbaron me kaq: “ZioRocco shpjegon se deti nuk ishte në kushtet më të përshtatshme për të lundruar me anije. Përveç kësaj, anija as që duhej të ndërmerrte këtë lundrim sepse deti ishte shumë i trazuar dhe nuk mund t’ju them sa njerëz u shkatërruan nga ky udhëtim dhe sa përfunduam me të vjella… Të përzier nga era e karburantit, gjatë rrugës u gjendëm në qendër të një feste me shkumë dhe unë rashë përtokë duke rrezikuar të godas kokën në stol. Mezi prisnim të ktheheshim, ishte vërtet stresues”, përfundon rrëfimin e tij ai.

Lexo edhe :  Tërheqja: Çfarë ndodh pasi fikni cigaren e fundit?

“Turi me varkë makthi im në Shqipëri, drama e Gaias: Varkë me dy herë më shumë njerëz se kapaciteti”, është një tjetër titull që sjell eksperiencën e Gaia Marigo-s edhe ajo një turiste italiane me ndjekës në TikTok.

Gaia ballafaqon dy video: Te e para me #hashtagun: Si e imagjinon dhe si ta tregojnë “Turet e varkave”, shihen imazhe reklamuese që tregojnë grupe djemsh që zhyten nga anija, bëjnë banjo dielli dhe relaksohen.

Në videon e dytë me “Si është në realitet” turistja italiane tregon sesi ishte gjendur në një barkë me dyfishin e kapacitetit që ajo lejonte./nsh

Të fundit

Të huajt kërkojnë pjesën e tyre të pasurive të krimit në Shqipëri!

Konfiskimi i pasurive të krijuara nga krimi jo vetëm që është një formë për t’i ulur atij fuqinë, por...

Ulet niveli në liqenin e Fierzës, ndikon mungesa e reshjeve dhe temperaturat

Aktualisht, niveli i ujit në Liqenin e Fierzës ka rënë në 279 metra mbi nivelin e detit, ndërsa prurjet e ujit janë rreth 50m3/sec. Kjo...

“Globe”, teatri në Londër që u dogj si Feniksi dhe u rindërtua pas nje viti

29 Qershor 1613 Nga Leonard Veizi Ka ndërtesa që i përkasin qytetit ku janë ngritur, dhe ka të tjera që u përkasin shekujve. Ka skena që...

Ish-këshilltari i Trump: Bota po bëhet kërcënuese, boshti Kinë-Rusi është fuqizuar

John Bolton, ish këshilltari i presidentit amerikan Donald Trump paralajmëroi se bota po bëhet më e rrezikshme, ndërsa boshti Rusi-Kinë po fuqizohet. Në intervistën...

Bardhi kundër largimit të Berishës si kryetar: Nuk duhet zgjidhje mekanike

Gazment Bardhi është kundër largimit të Sali Berishës nga kryesimi i Partisë Demokratike. N ë një intervistë për emisionin Skedari Politik nga Ervin Koçi në...

Lajme të tjera

Web TV