Kryeministri Edi Rama ka theksuar se në luftën ndaj koronavirusit Shqipëria është vetëm pasi vendet e tjera janë duke u kujdesur për qytetarët e tyre.
Sipas tij, kjo është një situatë shumë herë më e rëndë se ajo në rastin e tërmetit.
Kreu i qeverisë, Rama shpjegoi në një intervistë për AbcNews, se Shqipëria nuk mund të ndihmohet as nga shtetet e tjera si në rastin e tërmetit, aq më tepër kur ato vetë janë në një situatë emergjente ndaj koroanvirusi ashtu si vendi ynë.
Sa i përket shpalljes së gjendjes së fatkeqësisë natyrore të kërkuar edhe nga opozita Rama tha se Shqipëria aktualisht në këtë situatë ndodhet dhe se ai do ta shpallë këtë gjendje pasi është thjesht një akt formal qeveritar.
“Në këtë luftë ne kemi veten dhe askënd tjetër. Të tjerët nuk kanë hallin tonë. Ne jemi në luftë dhe është një luftë e hatashme në vështirësinë e vet. Është një luftë që fiton ai që nuk lëviz kot rrugëve. Fiton ai që rri brenda shtëpisë. Nuk po i kërkohet askujt që të dalë të marrë malet. Kur të dalë në rrugë të dalë për gjërat e domosdoshme, për të bërë pazar dhe për të blerë medikamente. Kjo është lufta jonë. Nuk na kërkohen armatime të fjalës së fundit, por gjithsecili të sillet si ushtar në këtë luftë”, u shpreh Rama.
Është më e rëndë kjo situatë apo ajo e tërmetit?
Janë dy gjëra komplet të ndryshme. Padyshim që është kjo. Këtu është secili për vete dhe Zoti për të gjithë. Ne jemi të vetëm në këtë luftë. Nuk po duket asnjë aleancë e madhe në front për të na ndihmuar.
Pse nuk shpallni gjendjen e emergjencës së fatkeqësisë së emergjencës natyrore?
Kjo është habi e madhe sa herë bëhet kjo pyetje. Kjo situatë na ka gjetur në një situatë emergjence fatkeqësie. Në të gjithë territorin po bëjmë atë që do bënim në një gjendje fatkeqësie. Ky është një akt formal që do ta bëjmë por që nuk ndryshon asgjë.
A keni një afat apo një situatë që mund të ndryshojë për ta shpallur gjendjen e fatkeqësoisësisë?
Kur ta bëjmë do ta them. Është një akt formal.
A janë call-center dhe fasonët rrezik për përhapjen ?
Ato janë hallkat e rëndësishme të zinxhirit ekonomik. Nëse respektohen rregullat, nuk mund të ketë përhapje. Nëse nuk ka kontakte fizike. Nëse nuk preken sytë, goja dhe hunda ndërsa punojnë me ato materiale, dhe duart lahen atëherë nuk mund të preken nga koronavirusi.
