Zjarri në pallatin 10-katësh në zonën e ish-Parkut të Autobusëve, është referuar në prokurori si aksidental, ndonëse hetimet për ngjarjen vijojnë akoma.
Grupi hetimor po pret autorizime nga prokurori i çështjes për të vijuar me marrjen në pyetje edhe të personave të tjerë, përfshirë këtu pronarin e pallatit Tanush Mëhillaj.
Policia akoma nuk e ka ende në dorë akt-ekspertimin e analizës së llojit të materialit që është veshur fasada e jashtme e pallatit, e cila rezultoi fatale për përhapjen e zjarrit.
Ndërkohë, ekspertët e zjarrfikëses vijojnë punën për të zbuluar shkakun e zjarrit, deri në daljen përfundimtare të ekspertizës për të cilën duhen edhe disa ditë.
Megjithatë, burime bëjnë me dije se vijohet me të njëjtin rezultat që shkak për zjarrin është bërë mbinxehja e kondicionerit./ S.M
