Autoritetet britanike akuzojnë pesë persona si të dyshuar për spiunazh me Rusinë. Shtetasit bullgarë Orlin Roussev, Bizer Dzhambazov, Katrin Ivanova, Ivan Stoyanov dhe Vanya Gaberova do të paraqiten në Gjykatën e Magjistraturës së ëestminsterit të martën, raportojnë mediat britanike.
Ata akuzohen për komplot me qëllim mbledhjen e informacioneve që do të ishin të dobishme për një armik nga gushti 2020 deri në shkurt 2023. Të pandehurit dyshohet se kanë punuar në një qeli operative spiune për shërbimet ruse të sigurisë dhe se kjo punë përfshinte kryerjen e vëzhgimit të objektivave.
Ata akuzohen se kanë punuar në operacione aktive në Mbretërinë e Bashkuar dhe Evropë për mbledhjen dhe përcjelljen e informacionit te shteti rus. Roussev dyshohet se ka drejtuar operacione nga Britania e Madhe dhe ka vepruar si lidhja me ata që morën informacionin.
Oficerët që kontrolluan pronat në Londër dhe Norfolk të zëna nga tre nga të pandehurit gjetën pasaportë të rreme dhe dokumente zyrtare identiteti për MB, Bullgari, Francë, Itali, Spanjë, Kroaci, Slloveni, Greqi dhe Republika Çeke./I.S
