Një dy vjecar është pacienti më i ri me koronavirus në Maqedoninë e Veriut. Të dhënat e publikuara në faqen zyrtare të Institutit të Shëndetit Publik tregojnë se pacienti më i ri në Maqedoninë e Veriut është një dy vjecar ndërsa pacienti më i vjetë është i moshës 91 vjeçe.
Në raportin e detajuar ditor të Institutit për Shëndet Publik, thuhet se “mosha e pacientëve varion nga 2 deri në 91 vjeç (mesatarisht 42.2 vjeç), dhe shumica e pacientëve (23 përqind) janë midis moshës 30 dhe 39 vjeçe”.
Vetëm ditën e djeshme në Maqedoni kanë rezultuar pozitiv me koronavirus 22 persona të rinj, prej të cilëve 16 janë femra dhe 6 meshkuj. Shumica e tyre janë në moshën 50-59 vjeçe.
