Balla përgëzon megaoperacionin e Policisë së Shtetit,presim goditje të tjera ndaj krimit

113 563 lexime

124,178FansaPëlqeje

Ministri i Brendshëm Taulant Balla përgëzoi Policinë e Shtetit për suksesin e arritur në kuadër të megaoperacionit të koduar “Never Forget” përmes një postimi në facebook, ku nënvizonte se “u zbardhën 16 ngjarje të rënda kriminale”.

Balla shkroi në rrjete sociale se, “operacioni i Policisë së Shtetit “Never Forget”, bëri të mundur zbardhjen e 16 ngjarjeve të rënda kriminale.

Përgëzime Policisë, Prokurorisë Elbasan. Presim goditje të tjera ndaj krimit si kjo”.

Ndërkohë detajet e operacionit i bëri publike drejtori i përgjithshëm i Policisë së Shtetit Muhamet Rrumbullaku, gjatë një konferencë për shtyp, së bashku me prokurorin pranë Gjykatës së Elbasanit, Kreshnik Ajazi.

Rrumbullaku theksoi në deklaratën e tij se “gjatë këtij megaoperacioni u zhvilluan hetime me profesionalizëm dhe në ruajtje të plotë të sekretit hetimor, ndërthurur me rritje të forcës reaguese për lokalizimin dhe kapjen e shtetasve të kërkuar, me rrezikshmëri shoqërore, si dhe u bashkëpunua me agjencitë e tjera ligjzbatuese brenda dhe jashtë vendit, punë e cila solli si rezultat zbardhjen e 6 vrasjeve, 5 rasteve të shkatërrimit të pronës me eksploziv, 2 rasteve të vjedhjes me dhunë, 3 rasteve të sigurimit të kushteve dhe mjeteve për të kryer vrasje, 1 rasti të kanosjes së punonjësve të Policisë (ngjarje këto të ndodhura në disa qytete të vendit), si dhe zbardhjen e 2 vrasjeve të kryera në Greqi.

Bazuar në provat e siguruara nga ky megaoperacion, Prokuroria pranë Gjykatës së Shkallës së Parë të Juridiksionit të Përgjithshëm Elbasan ka lëshuar 15 urdhra ndalimi, nga të cilat 12 janë ekzekutuar, ndërsa 3 shtetas janë shpallur në kërkim”.

Drejtori i Përgjithshëm dha detaje të hollësishme rreth një zinxhiri të gjatë ngjarjesh të rënda kriminale, të ndodhura kryesisht në vitin 2021, me viktima e pasoja të tjera të rënda, autorëve të vrasjeve, bashkëpunëtorëve, provave materiale etj.

Lexo edhe :  Zjarri në fushën e mbetjeve në Vlorë/ Merret në hetim drejtori i Ndërmarrjes së Pastrimit

“Në cilësinë e provës materiale janë sekuestruar kapsolla detonatorë, silenciatorë, krehra fishekësh, fara kanabisi, celularë, automjete etj.”, u shpreh Rrumbullaku.

Ai siguroi gjithashtu se nga strukturat hetimore të Policisë së Shtetit, në bashkëpunim me prokuroritë respektive, vijojnë hetimet intensive për zbardhjen e ngjarjeve të tjera të rënda kriminale kundër personit e pronës.

Rrumbullaku nënvizoi gjithashtu se janë duke vijuar intensivisht veprimet e përditshme hetimore në kuadër të megaoperacionit policor të koduar “Tempulli”, si dhe për zbatimin e paketës së sigurisë në shkolla.

Në fund, ai bëri një apel për qytetarët të bashkëpunojnë edhe më shumë me Policinë, të jenë më aktivë për të luftuar bashkërisht paligjshmëritë, për të krijuar një ambient sa më të sigurtë për të gjithë shoqërinë tonë./  S.M

Të fundit

SHBA dhe Kina arrijnë marrëveshje, zbutet lufta tregtare

SHBA dhe Kina arritën të martën për një kornizë për të rikthyer armëpushimin e tyre tregtar në rrugën e...

Argjentina fitoi me arbitra? Messi nuk e fal James: “Ti flet shumë…”

Lionel Messi është përballur me rivalin e tij kolumbian James Rodriguez gjatë ndeshjes së Argjentinës me Kolumbinë. Ndeshja u mbyll në barazim 1–1 në raundin...

Bëri thirrje për t’i dhënë fund luftës në Ukrainë/ E pëson politikani opozitar rus

Një politikan opozitar rus, i cili e përshkroi luftën në Ukrainë si një lojë “shahu të përgjakshëm”, është vendosur në arrest shtëpiak për dy...

“Nuk kam shumë për të thënë”, Mitaj: Ishte një kundërshtar shumë i fortë

Shqipëria barazoi 1-1 me Letoninë në Riga, duke komplikuar në maksimum objektivin Botëror. Mbrojtësi i kuqezinjve, Mario Mitaj bëri komentin e tij për ndeshjen. “Nuk...

Operacioni “fshesa”, Barcelona bën gati listën me 7 emra

Pas largimit të dy lojtarëve të huazuar, Aleks Vaje dhe Klement Lengle, një nga çështjet që Barcelona duhet të adresojë nga tani e tutje...

Lajme të tjera

Web TV