Ditën e sotme në Samitin e Procesit të Berlinit në Tiranë do të jetë dhe kryeministri grek, Kyriakos Mitsotakis.
Protothema shkruan se kryeminsitri Mitsotakis vjen nga Berlini në Tiranë , me mesazhin se Greqia nuk do të bëjë përjashtime nga rregullat e shtetit ligjor dhe kjo ka të bëjë me të gjitha vendet kandidate për anëtarësim.
Sipas burimeve qeveritare greke, procesi i anëtarësimit është një proces i gjatë dhe i mundimshëm dhe një rrugë e vështirë për vendet kandidate, por progresi i tyre dhe përshtatja e tyre me acquis evropiane, vetë performancat e tyre, domethënë do të gjykojnë rrjedhën në mënyrë që ata të mund të pretendojnë anëtarësimin e tyre në familjen evropiane.
Kryeministri, sipas informacioneve, pritet të përsërisë se refuzimi i autoriteteve shqiptare për të lejuar kryebashkiakun e zgjedhur të Himarës, Fredi Beleri të bëjë betimin në kundërshtim me prezumimin e pafajësisë dhe refuzimi i kërkesës së tij përbën një devijim nga rregullat evropiane.
“Kryeministri e kishte bërë të qartë se rasti i Belerit do të ketë pasoja në marrëdhëniet greko-shqiptare dhe do të ndikojë në vendimet e Greqisë për procesin e anëtarësimit të Shqipërisë”, thanë të njëjtat burime, citon Protothema.
Procesi i Berlinit
Procesi i Berlinit po zhvillohet në funksion të raporteve të progresit të Komisionit Evropian për progresin e vendeve kandidate dhe debatit për zgjerimin e BE-së, i cili filloi në takimin joformal të Këshillit Evropian në Granada dhe pritet të kulmojë në Këshillin Evropian të dhjetorit.
Vendet e Ballkanit Perëndimor, nëntë vende të BE-së (Austria, Bullgaria, Franca, Gjermania, Greqia, Italia, Kroacia, Polonia, Sllovenia) dhe Mbretëria e Bashkuar marrin pjesë në Procesin e Berlinit .
Samiti do të fokusohet në çështjet e konvergjencës ekonomike të Ballkanit Perëndimor me BE-në dhe integrimin e tyre në tregun e vetëm, marrëdhëniet e fqinjësisë së mirë dhe çështjet dypalëshe, si dhe mbështetjen e tranzicionit të gjelbër dhe dixhital në Ballkanin Perëndimor./ S.M
