Pak më parë është shtyrë seanca për Jamarbër Malltezin, dhëndrin e ish-kryeministrit Sali Berisha dhe ndërtuesin Fatmir Bektashi.
Seanca e planifikuar në Gjykatën Kundër Korrupsionit dhe Krimit të Organizuar për në orën 13:30 është shtyrë me dy orë dhe do të mbahet në 15:30.
Avokatët e Jamarbër Malltezit dhe Fatmir Bektashit kanë kërkuar 2 orë kohë për t’u njohur me dosjen dhe kjo kërkesë është pranuar.
Sot trupa gjykuese do të njohë Jamarbër Malltezin dhe Fatmir Bektashin me masën e sigurisë.
Sa i përket Berishës, ndaj të cilit është caktuar masa “detyrim paraqitje”, ende nuk dihet se kur do të dalë para gjykatës, kjo për faktin e imunitetit që i jep mandati i deputetit dhe për shkak se Oficeri i Policisë Gjyqësore nuk ka mundur ta vërë në dijeni për akuzën e ngritur ndaj tij./ S.M
