Festa e 120 vjetorit të hapjes së shkollës shqipe në Iballë të Pukës, ka bërë bashkë figura nga Shqipëria dhe Kosova. Pjesë e fetimeve u bë edhe Kryetari i Aleancës për Ardhmërinë e Kosovës, Ramush Haradinaj, që takoi edhe presidentin e Shqipërisë, Bajram Begaj.
Kështu ka bërë të ditur vetë Haradinaj përmes një postimi në llogarinë e tij në rrjetin social Facebook.
“Gjatë qëndrimin në Iballë të Pukës, kisha kënaqësi që me presidentin e Shqipërisë Bajram Begaj të bisedojmë për zhvillimet politike në Kosovë, Shqipëri dhe rajon”, ka thënë Haradinaj.
Haradinaj ka thënë se rruga për anëtarësimin e Kosovës në NATO është e paalternativë.
“Kënaqësi të ndajmë mendimet e njëjta, që Kosova sa më parë t’i kthehet rrugës së saj të paalternativë për anëtarësimin në NATO, sepse kjo nënkupton më shumë siguri në rajon e më shumë paqe në botë”, është shprehur Haradinaj./e.t
