Republika e Maqedonisë së Veriut, është bërë sot zyrtarisht anëtarja më e re e NATO-s.
Aleatët e NATO-s nënshkruan Protokollin e Pranimit të saj në shkurt të vitit 2019, ndërsa të 29 parlamentet kombëtare votuan për të ratifikuar anëtarësimin.
Sekretari i përgjithshëm i NATO-s, Jens Stoltenberg tha gjatë fjalimit të tij në Bruksel se “Maqedonia e Veriut është tani pjesë e familjes së NATO-s, një familjeje prej 30 anëtarësh dhe gati një miliard njerëzish. Pa marrë parasysh sfidat me të cilat përballemi, ne të gjithë jemi më të fuqishëm dhe më të sigurt së bashku”.
Ceremonia e ngritjes së flamurit të Maqedonisë së Veriut është planifikuar të zhvillohet më 30 mars në selinë e NATO-s, në Bruksel.
