Ambiciet e Serbisë dhe Kosovës për t’iu bashkuar Bashkimit Evropian mund të jenë në rrezik serioz nëse dy rivalët historikë që refuzojnë të normalizojnë marrëdhëniet, shkruan media ndërkombëtare FoxNews.
Presidentja e Komisionit Evropian Ursula von der Leyen ka bërë një paralajmërim të fortë gjatë një vizite në rajon për të promovuar planin ekonomik prej 6 miliardë eurosh të BE-së për Ballkanin Perëndimor, si pjesë e planit për të integruar rajonin e trazuar në BE.
Von der Leyen tha se Serbia duhet ta njohë de fakto Kosovën si një komb të pavarur dhe Kosova duhet të lejojë autonomi për serbët etnikë në veri të Kosovës, ku ata përbëjnë shumicën. Kjo do të përmbushte në mënyrë efektive angazhimet e mëparshme të Serbisë dhe Kosovës të negociuara në fillim të këtij viti, por ka pak shenja që secila palë në të vërtetë të vazhdojë.
Serbia aplikoi zyrtarisht për anëtarësim në BE në vitin 2009 dhe mosmarrëveshja e vazhdueshme me Kosovën dhe ngjarja e fundit që implikon Beogradin është pengesa më e madhe për anëtarësimin në BE. Kosova ka aplikuar zyrtarisht për anëtarësim në BE në vitin 2022, përfundon FoxNews./I.S
