Koronavirusi ka shkaktuar vdekjen e 25.037 personave në Europë deri në këto momente. Nga të dhënat zyrtare kontinenti i vjetër rezuton të jetë më i prekuris nga virusi i rrezikshëm, pasi numëron shifrën më të lartë të viktimave dhe personave që kanë rezultuar pozitivë.
Totali i personave që janë të prekur nga Covid-19 në Europë tashmë ka shkuar në 399 381 raste.
Italia ka regjistruar 10 779 të vdekur, ndërsa Spanja ka 7 340 viktima, duke u bërë kështu dy vendet më të prekura në botë nga COVID-19 dhe përbëjnë rreth tre të katërtën e të vdekurve europianë.
Më shumë se 700 000 raste me koronavirus janë regjistruar zyrtarisht në botë që prej fillimit të pandemicë, sipas burimeve zyrtare.
Ndërsa numri i rasteve të diagnostikuara nuk reflekton numrin real të të kontaminuarve pasi shumë vende kryejnë testime vetëm për rastet që iu nevojitet shërbimi spitalor./Fjala.al/
