Kjo është premisa e tekstileve inteligjente, një copë që ndryshon ngjyrë e krijuar nga një ekip kërkimor në Hong Kong përdor edhe një kamera shumë të vogël të kombinuar me inteligjencën artificale.
Risia teknologjike e pati debutimin në Javën e Modës në Milano në muajin Shkurt ku modelet kaluan në pasarelën e errët ndërsa veshjet e tyre shndrinin nga e kaltër në portokalli, të gjelbër dhe lejla.
Kamera e integruar përdor algoritmet e inteligjencës artificiale për të gjeneruar ngjyra të ndryshme. copa inteligjente kontrollohet përmes gjesteve të duarve dhe trupit, pajisjeve celulare apo edhe në largësi (remote).
Për shembull, shenja ‘OK’ shfaq ngjyrën e gjelbër ndërsa një zemër rozën. Opsioni më i ri i lejon personat që e veshin të zgjedhin ngjyra nga fotot në celular dhe të projektohen në copë.
Përveçse në modë, kjo teknologji mund të përdoret për rehabilitimin e njerëzve që vuajnë nga demenca ose kanë vështirësi me të mësuarit. Një tjetër ndikim pozitiv mund të jetë reduktimi i ndotjeve sepse veshjet me këtë material mund të modifikohen dhe të ulet konsumimi i artikujve “fast-fashion”.
AidLab shpreson që një ditë teknologjia të komercializohet. Aktualisht përdoret në instalacionet e qendrave tregtare apo lokacioneve të tjera në Hong Kong./O.S
