“Shpërdoroi detyrën duke përcjellë letërporosinë për ekstradim”
Ish-anëtari i UÇK-së, Dritan Goxhaj, kallëzoi në Prokurorinë e Posaçme ministrin e Drejtësisë, Ulsi Manja, me dyshimet se ka shpërdoruar detyrën. Goxhaj, i cili u arrestua në fund të korrikut, sipas një kërkese të Prokurorisë Speciale të Kosovës, u lirua 2 muaj më parë nga Gjykata e Apelit që refuzoi ekstradimin e tij për në Hagë.
Ish-luftëtari i UÇK thotë se ministri i Drejtësisë ka shpërdoruar detyrën duke pranuar një letërporosi pa u përcjellë praktika e ardhur për ekstradim nga Ministria e Drejtësisë së Kosovës.
Prokuroria Speciale e Kosovës po heton Goxhajn për intimidim të dëshmitarëve në procesin në Hagë kundër drejtuesve të Ushtrisë Çlirimtare të Kosovës nëpërmjet një postimi në Facebook./O.S
