Ish-futbollisti i kombëtares shqiptare dhe njëherësh drejtori Sportiv i Lazios Igli Tare nuk tërhiqet nga ideja e tij se kampionati italian duhet të vazhdojë pavarësisht situatës së rëndë të krijuar nga koronavirusi.
“Këtij sezoni duhet ti shkojmë deri në fund”, shpjegon Igli Tare në një intervistë për “Sport1”: Kampionati duhet të vijojë në respekt të njerëzve që kanë humbur jetën dhe të gjithë tifozëve. Nuk është ende koha e përshtatshme për të thënë që ky sezon duhet të anulohet. Numri i njerëzve të infektuar po ulet dhe të ndërpresësh sezonin do të ishte e padrejtë. Për futbollin italian të ndalojnë këtu do të ishte një katastrofë. Do të përpiqemi më të gjithë forcat tona ta shmangim këtë. Në Itali 75% e të ardhurave vijnë nga të drejtat televizive, nëse do të heqim dorë nga këto të ardhura mund të shkojmë në kolaps. Duhet ti rikthehemi normalitet, do të thotë që futbollistët të rikthehen të stërviten, lojtarët mezi e presin këtë”, shpjegoi drejtori sportiv i Lazios
