Nga Nikoleta Kovaçi
Një prej të akuzuarve si anëtar i grupit ‘Bajri’ ka dalë përfundimisht i lirë. Gjykata ka vendosur në favor të tij për t`i hequr edhe arrestin shtëpiak në kohën kur atij i kaën rënë edhe akuzat pasi prokuroria nuk ka mundur të bind gjykatën në lidhje me implikimin që iu bë Klaudio Hoxhalliut. Arrestimi i tij bashkë me Denis Brajoviqin, nga Shkodra u përcollën me shumë zhurmë të madhe nga ana e policisë dhe e prokurorisë.
Por në prillin e një viti më parë gjykata vendosi ta linte në masën arrest shtëpie Hoxhalliun, ndërkohë që në masën e dënimit që u dha për të, i rezultonte thuajse e shlyrë nga qëndrimi në paraburgim dhe në arrest shtëpie. Kështu kohëve të fundit janë të shumtë personat që kanë lënë qelitë e burgut edhe me masa ta mëdha dënimesh, ndërsa ditëve të fundit është prania e virusit vdekjeprurës që ka bërë të mundur të lirohen jo pak persona me dënime të rënda për shkak të epikrizave që paraqesin për sëmundjet e tyre kronike.
Procedura e lirimit që nisi një vit më parë
Krimet e Rënda, që kryen arrestimin e Klaudio Hoxhalliut, në datën 5 mars 2019 shpallën moskompetencë për të hetuarit Klaudio Hoxhalliu dhe Denis Brajoviq. Nga hetimet nuk është arritur të provohet që dy personat të kenë pasur lidhje me veprat penale apo të kenë qenë përfshirë në veprimtari kriminale për të cilën janë dyshuar anëtarët e tjerë të grupit kriminal ‘Bajri’.Në këto rrethana, për shkak të rënies së dyshimit për përfshirjen e Denis Brajoviq dhe Klaudio Hoxhalliu në formën e bashkëpunimit të veçantë me grupin ‘Bajri’, Prokuroria për Krime të Rënda ka kaluar aktet e dosjes për hetime të mëtejshme në Prokurorinë e Tiranës. Kjo e fundit ka çuar për gjykim Hoxhalliun dhe në muajin 19 dhjetor 2019, Hoxhalliu është dënuar me 1 vit e 7 muaj burg.
Gjykata ka ndryshuar në datë 24 prill masën e sigurisë për dy nga të prangosurit që u konsideruan si anëtarë të grupit “Bajri”. Sipas policisë, asokohe Hoxhalliut iu gjet një armë dhe një thikë, ndërsa u akuza edhe për ndihmë të autorit të krimit. Klaudio Hoxhalliu u akuza se kishte krijuar kushtet për strehimin dhe lëvizjen për Safet Bajrin. E ndërsa për 10 muaj u la në burg, Klaudio Hoxhalliu insistoi duke kërkuar ndryshimin e masës dhe lirimin nga qelia. Kërkesa u pranuar nga gjyqtari Sokol Tona i cili vendosi të ndryshonte masën duke e dërguar nga qelia në arrest shtëpie.
Gjykata tha se bazuar tek akti i ekspertimit, Klaudio Hoxhalliu nuk rezulton të jetë i përfshirë me grupin ‘Bajri’. Dosja në ngarkim të Klaudio Hoxhalliut dhe Denis Brajoviqit u veçua nga ajo e anëtarëve të tjerë të bandës. Disa muaj më pas u ndryshua masa edhe për Elis Gurin dhe Armir Grimën, ish-trajneri i kombëtares së femrave, të cilët edhe ata u lanë në arrest shtëpi.
