Sipas MeteoAlb: Alternime kthjellimesh dhe vranësirash mbizotërojnë vendin tonë, ku më të shpeshta vranësirat mbeten në zonat verilindore duke sjellë orët e para të ditës reshje të pakta. Por mesdita dhe pasditja sjellin largim të vranësirave nga i gjithë territori duke bërë që kthjellimet të jenë dominuese.
Temperaturat e ajrit mbeten kostante në mëngjes por rritje me 2°C sjellin orët e mesditës duke luhatur vlerat ekstremale ditore nga -3°C deri në 15°C. Era do fryjë e lehtë dhe mesatare me shpejtësi 35 km/h nga drejtimi Verior-Verilindor duke krijuar në det dallgëzim 3 ballë.
Rajoni dhe Europa
Vranësira të dendura dhe reshje shiu mbizotërojnë brigjet e Egjeut, gjithashtu me temperatura të ulta dhe reshje dëbore paraqiten vendet e Europës Lindore. Ndërsa kthjellimet do të jenë dominuese në Europën Veriore, Qendrore dhe atë Jugore.
