Në prag të ndërrimit të viteve, drejtori i Përgjithshëm i Policisë së Shtetit, Muhamet Rrumbullaku iu ka dërguar një mesazh urimi të gjithë punonjësve të Policisë së Shtetit, për t’iu shprehur mirënjohjen për angazhimin dhe rezultatet e arrira gjatë vitit 2023.
Gjithashtu, në mesazhin e tij Rrumbullak, ka theksuar mbështetejen e tij për të arrirë rezultate më të mira gjatë vitit të ri 2024.
“Bashkërisht përmbyllëm një vit plot sfida, gjatë të cilit falë përkushtimit, angazhimit dhe sakrificës së të gjithëve ne, arritëm të kemi më shumë rend, siguri dhe rezultate shumë më pozitive kundër krimit në përgjithësi dhe krimit të organizuar në veçanti.
Duke ju garantuar mbështetjen time absolute, jam besimplotë se viti i ardhshëm do të na angazhojë më shumë, më të denjë dhe më seriozë, për të mirën e qytetarëve.
Gëzuar vitin e ri 2024! mbarësi dhe shëndet në familjet tuaja”,-është shprehur Rrumbullaku./e.t
