Mark Zuckerberg është akuzuar për një qasje të papërgjegjshme ndaj inteligjencës artificiale pasi ka shprehur hapur angazhimin e tij për të ndërtuar një sistem të fuqishëm të Inteligjencës Artificiale në të njëjtin nivel me nivelet e inteligjencës njerëzore.
Themeluesi i Facebook ka ngritur gjithashtu mundësinë për ta bërë atë të aksesueshme për publikun.
Shefi ekzekutiv i Meta ka thënë se kompania do të përpiqet të ndërtojë një sistem të inteligjencës së përgjithshme artificiale dhe ta bëjë atë me burim të hapur, që do të thotë se do të jetë i aksesueshëm për zhvilluesit jashtë kompanisë.
Në një postim në Facebook , Zuckerberg tha se ishte e qartë se gjenerata e ardhshme e shërbimeve teknologjike “kërkon ndërtimin e inteligjencës së plotë të përgjithshme”.
Shfaqja e mundshme e kësaj teknologjie ka alarmuar ekspertët dhe politikanët në mbarë botën , të cilët kanë frikë nga një sistem i tillë, ose një kombinim i sistemeve të shumta, mund të shmangë kontrollin njerëzor dhe të kërcënojë njerëzimin shkruan The Guardian.
Dame Wendy Hall, një profesoreshë e shkencave kompjuterike në Universitetin e Southampton dhe një anëtare e trupit këshillues të OKB-së për AI, tha se perspektiva e AGI me burim të hapur ishte “me të vërtetë shumë e frikshme” dhe se ishte e papërgjegjshme nga Zuckerberg ta konsideronte atë./O.S
