Një 80-vjeçare nga Vlora ka mposhtur koronavirusin duke u bërë pacientja e 100-të që shërohet nga Covid-19.
Ajo la sot Spitalin Infektiv, pas një gjendje të rënduar dhe me vështirësi në frymëmarrje.
Ka qenë ministrja e Shëndetësisë, Ogerta Manastirliu, e cila nëpërmjet një postimi në Facebook, ka bërë të ditur e e moshuara nga Vlora u shtrua në Spitalin Infektiv 14 ditë më parë.
Sipas ministres, 80-vjeçarja ka qenë në gjendje të rëndë, me vështirësi në frymëmarrje, por për fat të mirë, pas disa ditësh në terapi intensive ajo ka arritur ta mposhtë sëmundjen, ndërsa sot u kthye në shtëpinë e saj.
Postimi i plotë i Manastirliut:
Nënë Veziko u shtrua në spitalin infektiv 14 ditë më parë, në gjendje shumë të rëndë, me vështirësi në frymëmarrje. Pas disa ditësh në terapi intensive, (CPAP) falë trajtimit me terapi mjekimi bashkëhore, 80-vjeçarja nga Vlora sot kthehet në shtëpi.
Në Shqipëri deri më tani numërohen rreth 333 persona të prekur nga koronavirusi ndërsa 18 njerëz kanë ndërruar jetë.
