Ne lufte për të ndaluar shpërndarjen e informacioneve të rreme rreth pandemisë së koronavirusit, kompania gjigande e komunikimit WhatsApp ka shtrënguar masat edhe me tej.
Vetëm para dy vitesh, përdoruesit mund të bënin forward mesazhin në plotë 250 kontakte dhe grupe të tjera. Si pasojë, në vitin 2018 në Indi u përhap një valë informacionesh të rreme në WhatsApp ( rreth disa rrëmbime fëmijësh) që rezultoi në vrasjen e dhjetëra të pafajshmëve.
Vitin që shkoi aplikacioni në pronësi të Facebook, e limitoi këtë numër në pesë kontakte njëkohësisht, ndërkohë që të martën kompania njoftoi se tani mesazhi mund të bëhet forward në vetëm një kontakt.
“Ne e dimë se sa shumë përdorues bëjnë forward informacione të vlefshme, video gazmore apo citime inspiruese. Në javën e fundit njerëzit organizuan edhe lëvizje në mbështetje të punonjësve të shëndetit.”
“Gjithsesi, ne kemi konstatuar një rritje të numrit te mesazheve që çojnë në keqinformim të përdoruesve.”
Ky reagim erdhi pas përhapjes së teorive konsiprative, veçanërisht në Britani, sipas të cilave COVID-19 përhapej përmes antenave të rrjetit 5G. Si pasojë e përhapjes së këtij lajmi shumë njerëz i vunë flakën kullave të kompanive celulare. Sulmet bën qe qeveria britanike t’i drejtohej platformave te rrjeteve sociale për marrjen e masave kundrejt qarkullimit të informacioneve të rreme.
Edhe gjigandët e tjerë të teknologjisë si Google, Facebook dhe Twitter kanë marrë masa për të kontrolluar shpërndarjen e informacionit duke promovuar lajmet nga burime të besueshme./ Fjala.al
