Një 18-vjeçare nga Teksasi është arrestuar nga autoritetet policore të Carrollton-it, pasi u shpreh në një video në “Snapchat” se po e përhapte koronavirusin qëllimisht.
Ndërkohë, pas arrestimit, Lorrene Maradiaga deklaroi në polici se kishte testuar negative ndaj virusit.
“Maradiaga u akuzua për kërcënim terrorist, një krim i shkallës së tretë dhe u transferua në burgun e qarkut të Denton-it”, tha policia përmes një njoftimi për mediat.
Ajo do të qëndrojë në burg nëse nuk do të paguajë 20,000 dollarë, teksa mbetet e paqartë nëse Maradiaga ka një avokat.
“Si kusht për lirimin e saj, Maradiaga është urdhëruar të karantinohet për 21 ditë, si një masë paraprake”,-bën me dije autoritetet vendase./Fjala.al/
