Industria e aviacionit në SHBA parashikon humbje të thella për shkak të kufizimeve të udhëtimit. Masat e marra kundër koronavirusit kanë sjellë një ulje të numrit të udhëtarëve me 96%.
Administrata për Sigurinë e Transportit (TSA) kontrolloi 95 mijë pasagjerë të mërkurën dhe hera e fundit që në SHBA ka patur më pak se 100 mijë pasagjerë në avione ka qenë në vitin 1954. Në të njëjtën datë një vit më parë, 2019, kanë përdorur avionët në SHBA 2.3 milionë pasagjerë.
Janë të paktën 41 pilotë të infektuar me koronavirus.
Autoritetet amerikanë kanë bërë me dije se presin që javën tjetër të arrihet piku i infektimeve, ndërsa lehtësimi i masave është ende larg.
