Gjithë bota ka marrë masa të rrepta kufizuese në mënyrë që të parandalojnë përhapjen e mëtejshme të koronavirusit. Mirëpo, Suedia ka zgjedhur një strategji komplet ndryshe.
Restorantet dhe baret janë të hapura në vendin nordik, fusha lojërash dhe shkolla gjithashtu, dhe qeveria po mbështetet në veprime vullnetare për të penguar përhapjen e Covid-19.
Është një qasje e diskutueshme, dhe ajo që tërheq vëmendjen e Presidentit Donald Trump. “Suedia po i lejon njerëzit të dalin në tufë. Vendi do të vuajë shumë, shumë keq”, tha Trump të martën e 7 prillit.
Të nesërmen, Ministri i Jashtëm i Suedisë Ann Linde tha se Trump ishte “faktikisht i gabuar” për të sugjeruar se Suedia po ndiqte teorinë e “imunitetit të tufës”.
Ideja, tha Linde, ishte pa bllokim dhe ne mbështetemi shumë tek njerëzit që marrin vetë përgjegjësinë.
Më 24 mars, u vendosën rregulla të reja për të shmangur grumbullimin në restorante.
”A po funksionon? “Unë mendoj se Suedia po bën mirë”, tha epidemiologu shtetëror suedez Anders Tegnell për bashkëpunëtorin e CNN Expressen.
“Kjo po prodhon rezultate cilësore në të njëjtën mënyrë siç është bërë gjithmonë. Deri më tani kujdesi shëndetësor suedez po e trajton këtë pandemi në një mënyrë fantastike.”
Sipas Universitetit John Hopkins, Suedia ka raportuar 793 vdekje dhe 9.114 të infektuar me Covid-19.
