Qeveria ka shkarkuar prefektin e Shkodrës Çesk Millja dhe në krye të saj ka vendosur të komandojë një zyrtar i lartë për të menaxhuar më së miri situatën e krijuar nga koronavirusi në këtë qytet.
Zv. Ministri i Brendshëm Besfort Lamllari është zgjedhur për të koordinuar sitatën në Shkodër. Lajmin e konfirmoi vetë Ministri i Brenshëm Sandër Lleshaj i cili tha Lamllari do të koordinojë punët në qarkun e Shkodrës.
“Për të menaxhuar situatën në qarkun e Shkodrës, qeveria ka vendosur të koordinojë punët zv.ministrin e Brendshëm Besfort Lamallari. Ai do ketë detyrën e koordinimit dhe bashkëpunimit me kryetarët e bashkive.
Komandimi i një zv. ministri në këtë funfsion është shprehje e rëndësisë që i kushton qeveria gjendjes në vend dhe qartësisht gjendjes në Shkodër.
Kam besim se drejtuesit e bashkive të qarkut do ta vlerësojnë këtë hap të rëndësishëm. Dua t’ju kërkoj drejtuesve në qarkun e Shkodrës, drejtuesve të partive, medias që këto momente të kalojnë në plan të dytë shumë ndjeshmëri të vogla partiake për t’u fokusuar tek Shkodra.
Kryeministri Rama dhe qeveria kanë besim të plotë se z. Lamallari do ta kryejë me përgjegjësi këtë detyrë. Kryeministri dhe qeveria kanë shumë plane ambicioze për Shkodrën. Ajo që qeverisë i nevojitet më së shumti janë partneritetet e gjera.
Duke e konsideruar këtë hap si një tjetër dorë të shtrirë për bashkëpunim në interes të Shkodrës dhe qytetarëve, ftoj aktorët të bashkëpunojnë dhe mbështesin z. Lamallari”, deklaroi Lleshaj.
