Skuadra e Juventus ka vendosur që të startojë merkaton e janarit me anë të një shkëmbimi. Drejtuesit e “Zonjës së Vjetër” kanë rënë dakord me ato të Paris Saint Germain që të shkëmbejnë mesfushorët Emre Can me Leandro Paredes.
Ndonëse, të gjithë janë duke shijuar pushimet e fundvitit, sipas medieve italiane raportohet se krerët e Juves kanë vazhduar punën. Can nuk u aktivizua mjaftueshëm te skuadra e italianëve dhe u la jashtë gjatë ndeshjeve të Ligës së Kampionëve.
Megjithatë mesfushori gjerman pëlqehet shumë nga Thomas Tuchel, i cili pritet t’i japë Can hapësirën e nevojshme dhe rol protagonist te PSG-ja. E njëjta gjë vlen dhe për mesfushorin argjentinas që do kalojë së shpejti te radhët e Juves.
Paredes i blerë nga francezët për një shumë prej 47 milionë euro nuk mori asnjëherë vendin që i takonte në skuadër. 25-vjeçari nuk gjeti hapësirë te kampionati francezë, mirëpo cilësitë e tij në lojë përshtaten shumë me taktikat e Sarrit dhe ky është një faktor kryesor pse ai e dëshiron argjentinasin te Juventus.
Sipas raportimeve mësohet se marrëveshja midis klubeve është shumë e afërt dhe tashmë pritet vetëm që të bëhet konkretizimi i firmosje së kontratës./Përgatiti: Fjala.al/
