Nga AV. Dorela Gjika
Pas 33 ditë karantinimi, në një kohë pandemie globale, e cila ka prekur edhe Shqipërinë;
Në kushtet kur kohëzgjatja e Corona virus nuk mund të përcaktohet;
Në kushtet kur Këshilli i Lartë i Prokurorisë dhe Këshilli i Lartë Gjyqësor kanë pezulluar aktivitetin procedues dhe gjyqësor;
1.
Cili është pozicioni ekonomiko-social i një avokati sot, dhe si do të jetë ai në vijim?
Deri më tani, qeveria ka adresuar 2 paketa ekonomike të ndihmës financiare, kryesisht ndaj bizneseve të vogla, të vetëpunësuara, në një xhiro vjetore prej 1.400.000 lekë, nga të cilat pjesë e kësaj pakete nuk janë avokatët, sepse veprimtaria e tyre profesionale në kohë pandemie është e lejuar.
Në funksion të kësaj, në një kohë kur të gjitha institucionet e drejtësisë nuk punojnë dhe çdo veprimtari e tyre është e pezulluar, cila është puna që mund të kryejë një avokat?
Avokatia si profesion, njësoj si një biznes i vogël apo i madh, paguan taksa, sigurime shoqërore, tatim në fitim etj.
Avokatët, kjo kategori profesionistësh aktualisht janë të përjashtuar nga çdo mbështetje financiare, në iniciativat e ndërmarra nga kjo qeveri.
2.
Nga vetë etimologjia e fjalës advocatus, që do të thotë “i thirrur për të mbrojtur veten” në kushtet kur nuk ekziston klasifikimi i profesionit të avokatit në listën e veprimtarive që nuk lejohen të ushtrojnë aktivitet ekonomik, brenda një afati të arsyeshëm, duhen menjëherë ndërmarrë masa të radhës, në mbrojtje të së drejtës legjitime të avokatit si profesion, dhe të avokatisë si veprimtari e ushtruar prej tij.
