Ekspertët kanë nxjerrë në dritë fakte të reja mbi personat të cilët janë prekur nga koronavirusi apo edhe janë shëruar prej tij. Sipas tyre, të gjithë këta persona nëse konsumojnë duhan atëherë do të kenë pasoja për shëndetin e tyre.
Studimet që janë marrë me efektet e koronavirusit theksojnë se ky infeksion mund të lërë pasoja fatale për njerëzit.
Sipas studimeve edhe pas shërimit nga koronavirusi personi mund ketë kollë të pandalshme, e cila mund të zgjasë edhe deri në dhjetë javë derisa trupi të pastrohet nga virusi, shkruan Daily Mail.
Pas shërimit ka gjasa që të shfaqet inflamacioni i rrugëve të frymëmarrjes, madje edhe nëse infeksioni fillestar është qetësuar.
Dr. Owen Zeng, shef i Qendrës së Sëmundjeve Infektive në Spitalin Princess Margaret, ka parashikuar që disa pacientë pas shërimit nga sëmundja e koronaviusit ndoshta do të kenë funksion të ndryshuar të mushkërive, nga 20 deri në 30 për qind.
