Belgjika ia ka tejkaluar Italisë, dhe Britanisë së Madhe për numrin e të vdekurve nga koronavirusi në Evropë.
Sipas përllogaritjeve të fundit, përqindja e lartë e vdekjeve në Belgjikë vjen si pasojë e situatës dramatike në azilet e të moshuarve.
Andrew Preson nga Universiteti Bath, thotë se përqindja e vdekjeve në përgjithësi është më e lartë në popullsinë me numrin më të madh të moshuarve dhe atyre me sëmundje kronike.
Përqindjes së madhe të vdekjeve në Belgjikë i ka kontribuar virusi që është përhapur në një masë shumë të madhe edhe azili i të moshuarve ku banorët dhe punonjësit e tyre përbëjnë afro 45 për qind të numrit të përgjithshëm të rasteve të vdekjeve.
Dr Peter Drobac nga Universiteti i Oksfordit, thotë se një trend i ngjashëm është shënuar në Francë dhe në Britaninë e Madhe.
“Prioritet në Belgjikë dhe vendet e tjera duhet të jetë ky fakt për të cilin duhet pasur shumë kujdes”, shtoi Drobac.
Belgjika bazuar në këto parametra ka tejkaluar Italinë, ku në këtë vend përqindja e vdekjeve shkon në 13 – kurse në Britani të Madhe në 12.8 për qind, shkruan Newsweek.
