Ndeshja e mbrëmshme Shqipëri-Itali në stadiumin e Dortmund-it nuk foli vetëm për futboll. Në stadiumin e tej mbushur me tifozë kuqezi, përveç simboleve kombëtare u shfaq edhe një poster i stërmadh nga shqiptarë të diasporës, të cilët bënin thirrje për të drejtën e votës në zgjedhjet parlamentare të vitit të ardhshëm.
“Dua të votoj 2025, nga diaspora”, ishte mesazhi që u shfaq në shkallët e stadiumit “Signal Iduna Park”, në të cilin ishin përveç dhjetëra mijëra mbështetësve shqiptarë, edhe kryeministri Edi Rama.
Mundësia që diaspora shqiptare të jetë e aftë për të votuar pa u kthyer në territorin shqiptar ka qenë një prej diskutimeve kryesore teksa zgjedhjet pritet të zhvillohen në 6 mujorin e parë të vitit të ardhshëm.
Megjithatë, përpjekjet e poltikës shqiptare për ta bërë të mundur një gjë të tillë duken minimale./ S.M
