Alvaro Morata do të qëndrojë te Atletico Madrid sezonin e ardhshëm.
Këtë lajm e ka konfirmuar vetë sulmuesi spanjoll në një postim në rrjetet sociale, ku thekson se ka qëllim që të arrijë suksese me fanellën e “colchoneros”.
“Nuk mund ta imagjinoj se si duhet të jetë të fitosh trofe me këtë fanellë dhe do të fitoj. Nuk do ndaloj derisa të kem sukses”-shprehet 31-vjeçari.
Një deklaratë e qartë dashurie ndaj një skuadre me të cilën nuk ka ngritur ende një trofe, një rast unik i karrierës së Morata-s, i cili ka pasur sukses me fanellat e Real Madrid-it, Juventus-it dhe Chelsea-t.
Prandaj, Morata nuk do të kthehet në Itali dhe i ka rezistuar joshjeve të Al Qadisiyah, klubit arab i cili së fundmi njoftoi transferimin e Nacho-s, një mik i ngushtë i Morata-s, dhe i cili i kishte ofruar një kontratë 3-vjeçare me një pagë totale prej 45 milion euro.